Hlaðvarp Iðunnar

Konráð Jónsson hjá Litrófi ræðir um sameiningar í prentiðnaði og kiljubókaprentun á Íslandi

„Kiljan er vottuð alla leið,“ segir Konráð Ingi Jónsson framkvæmdastjóri og aðaleigandi Litrófs um umhverfisvæna bókaprentun og samkeppnishæfi prentiðnaðar við erlenda framleiðslu.
Hann telur að bókaiðnaður ætti að koma sér saman um umhverfisvænni áherslur, prenta fleiri kiljur en harðspjaldabækur og auðvitað að létta kolefnissporið og prenta fleiri bækur heima. Íslenskur prentiðnaður sé sterkari í samkeppni við erlendan markað þegar kemur að kiljum en harðspjalda bókum og í þeirri staðreynd felist vonarglæta.
Konráð Ingi ræðir um sameiningu Litrófs við Guðjón Ó og Prenttækni, eigin feril og sýn sína á framtíð íslensks prentiðnaðar.

Aðalheiður Ósk Guðmundsdóttir, framkvædastjóri Vök Baths, ræðir um tækifæri í ferðaþjónustu

Í þessu spjalli hittum við Aðalheiði Ósk Guðmundsdóttur sem nýverið tók við sem framkvæmdastjóri Vök Baths. Aðalheiður segir það gríðarlega mikilvægt að hlusta og skilja upplifun viðskiptavina. Þannig skapa fyrirtæki sér sérstöðu. Hún leggur líka áherslu á samvinnu aðila í ferðaþjónustunni.

Björn Ágúst Björnsson, pípulagningameistari, ræðir um votrými og stöðu Íslendinga í þeim efnum

Björn Ágúst Björnsson frá Tengi ræðir um votrými og stöðu Íslendinga í þeim efnum. Votrými eru td baðherbergi og þvottahús. Hann er nýlega búinn að kynna sér ferla og lagaumgjörð í kringum svona vinnu hjá Norðmönnum og eru þeir mjög framarlega í öllu regluverki og fagmennsku.

Allt um íslenska tölvuleikjaiðnaðinn með Vigni Guðmundssyni

Vignir Örn Guðmundsson er formaður Samtaka tölvuleikjaframleiðenda. Spurningar sem við lögðum fyrir Vigni voru meðal annars
Hversu stór samtök eru þetta og hver eru markmið þeirra?
Hversu viðamkill er leikjaiðnaðurinn á Íslandi?
Er Ísland ákjósanlegur vettvangur fyrir leikjaframleiðslu, erum við t.d. með nóg framboð af tæknimenntuðu fólki á þessu sviði?
Hvað tekur það langan tíma að framleiða einn tölvuleik og hvað koma margir að slíkri framleiðslu?
Hverjir vinna við leikjaframleiðslu aðrir en forritarar?

Jeppabreytingar með Emil Grímssyni hjá Arctic Trucks

Emil Grímsson fer yfir sögu Arctic Trucks, segir okkur frá verkefnum þeirra erlendis og spáir í framtíðina í jeppabreytingum

Kaffispjall með Kristjáni Schram markaðsráðgjafa, um IKEA bæklinginn

Íslendingar halda sérstaklega upp á IKEA vörulistann.
Hvers vegna hætti IKEA að prenta vörulista sinn sem hefur komið út frá árinu 1951? Kristján Schram markaðsmaður er gestur í kaffispjallinu að þessu sinni og rýnir í ákvörðun IKEA og þróun í útgáfu markaðsefnis.

Jökla, fyrsti áfengi drykkurinn úr íslenskri mjólk, með Pétri Pétursyni mjólkurfræðingi.

Pétur Pétursson framleiðir rjómalíkjör sem ber nafnið Jökla. Pétur sem er mjólkurfræðingur segir okkur frá hvernig hugmyndin kviknaði og frá ferlinu sem tók við.

Næringarfræðin í eldhúsi LSH með Fríðu Rún Þórðardóttur

Fríða svarar meðal annars þessum spuringum
Hvernig er haldið utan um ofnæmis- og óþolsvalda í því hráefni sem notað er í eldhúsi LSH
Hvaða reglur gilda fyrir birgja
Hvað reglur gilda fyrir starfsfólk
Hvernig er ofnæmis- og óþolsfæði skipulagt í eldhúsinu
Hvaða hráefni er gott að eiga til að auðvelda sér matseðla- og matargerð
Hvernig er starfsfólk Landspítala upplýst um matinn sem er í boði fyrir það í matsölum
Umræða um innihaldslýsingar og helstu ofnæmisvaldana